Skip to main content

ကိုဗစ်ကြားက အရောင်းအဖွဲ့များ (အကြပ်အတည်းကို ကျော်ဖြတ်ခြင်း)



လက်ရှိအကြပ်အတည်း 


နိုင်ငံတကာ ငွေကြေးရံပုံငွေအဖွဲ့ IMF မှ BBC ကိုပြေပြချက် အရ  ၁၉၃၀ ကမ္ဘာ့စီးပွားရေးပျက်ကပ် ကာလ နောက်ပိုင်း အဆိုးဆုံးသော စီးပွားရေး အကြပ် အတည်းကာလ ကို ရောက်နေတာဖြစ်တယ်။ ဒီအကြပ်အတည်းကာလကနေလွတ်နေတဲ့ နိုင်ငံမရှိသလို လွတ်တဲ့ လူတွေလည်းမရှိပါဘူး။ မြန်မာနိုင်ငံမှာလည်း သူ့ပမာဏနဲ့ သူလုပ်ငန်းတိုင်း က အကြပ်အတည်း ကိုရင်ဆိုင်နေရတာ ဖြစ်တဲ့ အတွက် အဖွဲ့ အစည်းတစ်ခုရဲ့ ဝင်ငွေကို ဒိုင်ခံရှာပေးနေရတဲ့ အရောင်း အဖွဲ့ တွေကို ဒီစီးပွားရေး အကြပ်အတည်းက တိုက်ရိုက်ရိုက်ခတ်နေတာလည်းဖြစ်တယ်။ ဘယ်သူ့အပြစ်ကြောင့်မှ ဖြစ်နေတာမဟုတ်ပါဘူး။ အားလုံးမှာဖြစ်နေတာပါ။ 

အကြပ်အတည်းကာလ အရောင်းအဖွဲ့တွေမှာဘာတွေဖြစ်တတ်လည်း

(၁) သဘောတူပြီးသား အရောင်းတွေဆုံးရှံးကြတယ်
(၂)​ ရှိပြီးသား အရောင်းဝင်ငွေလျှော့ရ၊နောက်ကျပြီးရလာကြတယ်
(၃) ဝန်ထမ်းနုတ်ထွက်၊ လျှော့ချ၊ ထုတ်ပယ် ၊ ပြောင်းရွှေ့တွေများလာကြတယ်
(၄) အရောင်းရည်မှန်းချက်တွေ ဆက်တိုက်လွဲလာကြတယ်
(၅) အပြစ်ပေး၊ အရေးယူမူတွေများလာကြတယ်
(၆) ၎ာနချင်း အပြစ်တင်၊ လွဲချ၊သွေးကွဲတာတွေများလာကြတယ် 

အကြပ်အတည်းကာလကို ဘယ်လိုကျော်ဖြတ်ကြမှာလည်း 


Harvard Business Review က ပေးထားတဲ့ အကြံပေးချက်လေးတွေကို သဘောကျပါတယ်။ မှတ်ရလည်းလွယ်ပြီး လက်တွေ့ကျင့်သုံးဖို့ အဆင်ပြေတယ်။ သူပြောထားတာက R လေးလုံးပါ။ 
Refocus, Retool,Retrench,Rebound လို့ အတိုမှတ်လို့ရပါတယ်။ ရေးထားတဲ့ မူရင်း ကိုဖတ်ချင်ရင်တော့် အပေါ်မှာ လင့်ပေးထားပါတယ်။ 

Refocus 


စီးပွားရေးလုပ်ငန်းတွေတင်ပဲ အကြပ်အတည်းဖြစ်တာမဟုတ်ပါ၊ ပတ်သက်ဆက်နွယ်နေတဲ့ လူတွေအားလုံးဖြစ်တာပါ၊ အဲ့သည်ပတ်သက်တဲ့ လူတွေထဲမှာ ဝယ်သူတွေလည်းပါတယ်ဆိုတာ မမေ့ပါနဲ့၊ ဒီချိန်မှာ ဝယ်သူတွေရဲ့ ဆုံးဖြတ်ချက်ကို လွှမ်းမိုးနိုင်တဲ့ ဦးစားပေးအရာနဲ့ တန်ဖိုးတွေဟာ အချိန်နဲ့ အမျှ ပြောင်းတတ်တာ သတိချပ်ရပါမယ်။ 

ဥပမာပြောရရင် ဝယ်သူက အရင်က စျေးကြီးပြီး အရည် အသွေးမြင့်တာ ကို ဦးစားပေးမယ်၊ ခုက သက်သာပြီး အရည် အသွေးတော် တာကို ပြောင်းပြီး ဦးစားပေးတာမျိုးပါ။အဲဒီတော့်အရောင်း အဖွဲ့က ဝယ်သူတွေကို စကားပြောပုံဆွေးနွေးပုံကို သမရိုးကျ အတိုင်းမထားပဲ ပြင်ပြီး ပြောရမှာဖြစ်တယ်။ ဒီ့ထက်မက လုပ်ရမှာတွေက၊ ကြော်ငြာမှာ သုံးတဲ့ အသုံးအနုံး၊ ဝယ်သူအမျိုးအစားရွှေးချယ်မူ၊ ဦးစားပေး ထုတ်ကုန်၊ ဒါတွေအားလုံးကိုလည်း ဝယ်သူ့ ဦးစားပေးအလိုက်၊ လိုက်ပြောင်းရမှာ ဖြစ်တယ်။ 

​​

Retool 


နေ့စဥ်ဘဝမှာ ခပ်ခွာခွာနေရမယ်ဆိုတော့် နဂိုက လမ်းကြောင်းထွက်၊ မျက်နှာချင်းဆိုင် ဆွေးနွေးရောင်း ရတာတွေကနေ၊ ဖုန်းနဲ့ အရောင်း၊ အင်တာနက်ပေါ်က အရောင်းတွေဖြစ်ကုန်တယ်။ အဲသည်တော့်အရင်က လမ်းကြောင်းထွက်ရောင်းဖို့ ကားတွေ၊ဆိုင်ကယ်တွေသုံးရာကနေ ဖုန်းတွေ၊ ကွန်ပြူတာတွေ ၊ CRM တွေအစားထိုးနေရာ ယူလာရပါမယ်။  ရှေ့တန်းအရောင်း အဖွဲ့ ကိုနောက်တန်း အရောင်း အနေနဲ့ ပြင်ဆင်ဖွဲ့စည်း ပြီး အတတ်နိုင်ဆုံး အပြင်ထွက်ရောင်းတာ ကို လျှော့လာရပါမယ်။ နဂိုက မျက်နှာချင်းဆိုင် ပြောရောင်းနည်း သင်ပေးထားရင်၊ ခုက ဖုန်းနဲ့၊ ကွန်ပြူတာနဲ့၊ ဗီဒီယိုနဲ့ ၊ အဝေးကနေ စျေးရောင်းနည်းကို သင်ပေးရပါမယ်။ 

Retrench 


ကိုဗစ်-၁၉ ကပ်မဖြစ်ခင် ၃လ အလိုလောက်က HSBC ဘဏ်အဖွဲ့ ကဝန်ထမ်းလျှော့ဖို့ ကြိုးစားတဲ့ အထဲမှာ အရောင်း အဖွဲ့တွေတော်တော်ပါပါတယ်။ ကပ်ကြီးစဖြစ်တော့ အဲ့ဒီဆုံးဖြတ်ချက် ကိုခနရပ်လိုက်တယ်။ အဖွဲ့အစည်းတိုင်း က မရှိမဖြစ် အသုံးစားရိတ်ကလွဲလို့ ကျန်တာတွေကို လျှော့ချ ဖြတ်တောက်ပြစ်ပြီး အဖွဲ့အစည်း ရပ်တည်နိုင် အောင် နဲ့ ဒီကပ်ကို ကျော်ဖြတ်နိုင် အောင်ဦးစားပေးတွေတန်းစီ ချရ ပြီး မရပ်မနား လုပ်လာကြပါတယ်။ 

မြန်မာနိုင်ငံက အဖွဲ့အစည်းတော်တော်များများလည်း ထိုနည်းလည်းကောင်းပါပဲ၊ မိမိ အဖွဲ့အစည်းရပ်တည်ရေးအတွက်၊ မဖြစ်မနေ လိုအပ်တဲ့ ဝန်ထမ်းနဲ့၊ လုပ်ငန်းဌာနကလွဲပြီးဝန်ထမ်းလျှော့တာတွေ၊လစာလျှော့တာတွေနဲ့ အခြားစားရိတ်သက်သာစေတဲ့ နည်းတွေ အပြင် ရောင်းချနည်း အသစ်တွေကို ဖန်တီးလာကြတယ် အမြင်သာဆုံး ပြောရမယ်ဆိုရင်၊ စားသောက်ဆိုင်လုပ်ငန်းတွေဖြစ်ပါတယ်၊ ဆိုင်ထိုင်စား စနစ်တွေ ရပ်သွားတော့်၊ စားသောက်ဆိုင်တွေဆီကို စားသုံးသူတွေကအရောက်သွားတဲ့ စနစ်ကနေ၊ ပြောင်းပြန်ဖြစ်ပြီး စားသုံးသူတွေဆီ၊ စားသောက်ဆိုင်တွေ အရောက်လာရတဲ့ စနစ်ဖြစ်သွားပါတယ်။ 


Rebound 


ပထမရာစုနှစ်က စပြီး စီးပွားရေးပျက်ကပ် အကြီး အသေးအားလုံးပေါင်း ၂၀ ကျော်ရှိ ပါတယ် အသေးစိတ်ဖတ်ချင်ရင် လင့်ကိုကြည့်ပါ။ ဘယ်ကပ်ကြီး ဘယ်လိုဖြစ်ဖြစ်၊ လူတွေရှိနေ သမျှလုပ်ငန်းတွေရှင်သန်ရပါမယ်၊ ကိုယ့်အဖွဲ့အစည်း က ဒီကပ်ကြီးထဲ ကမြေစာပင်ဖြစ်သွားမလား၊ ကပ်ကြီးကို ကျော်ဖြတ်နိုင်ခဲ့တဲ့ အဖွဲ့အစည်းဖြစ်မလားဆိုတာ လည်း သက်ဆိုင်သူ လုပ်ငန်းရှင်နဲ့ ဝန်ထမ်းတွေရဲ့ ဆုံးဖြတ်ချက် ပူးပေါင်း ဆောက်ရွက်မူ နဲ့ပဲဆိုင်ပါတယ်။  စီပွားကပ်ကလည်း ရပ်သွားမှာမဟုတ်ပါဘူး၊ နောက်ပုံစံတစ်ခု အနေနဲ့ ထပ်လာမှာ ဖြစ်ပါတယ်။ ကိုယ်ဦးဆောင်နေတဲ့ အရောင်း အဖွဲ့ကို ဘယ်ပုံစံ ဘယ်လို ပြသနာ ဖြစ်လာလာကျော်ဖြတ်နိုင်ဖို့ ကြိုပြင်ဆင်ရမှာ ဖြစ်တယ်။ 

ကိုယ့်အရောင်းအဖွဲ့ကို ရှေ့တန်းပဲ ဦးစားပေးဖွဲ့စည်းတာ မဟုတ်ဘဲ နောက်တန်း အရောင်း အဖွဲ့ တွေပါ ကြိုဖွဲ့စည်း သင်ကြားပေးထားရပါမယ်။ နောက်တန်း အရောင်း အဖွဲ့နဲ့ဆိုင်တာကိုတော့် ဒီလင့်မှာဝင်ကြည့်နိုင်ပါတယ်။ နောက်တန်းအရောင်း အဖွဲ့တွေအတွက်လိုအပ်တဲ့ ရင်းနှီးမြုပ် တ်နှံ မူတွေလုပ်ရပါမယ်

ဒီဂျစ်တယ် ထုတ်ကုန်တွေဖြစ်တဲ့ CRM( Customer Relationship Management )၊ SFA (Sales Force Automation ) ၊ Ecommerce၊ Inside Sales စတာတွေကရှိရင်ကောင်းတယ်လို့ပြောလို့ရတဲ့အ  ရာတွေမဟုတ်တော့်ပါဘူး။   
မရှိမဖြစ်တွေဖြစ်လာပြီဆိုတာ ဝန်ထမ်းငယ်က အစ၊ ဝန်ထမ်းကြီး အဆုံး လက်ခံရပါမယ်။ ဘာ ကြောင့်ပြောတာလည်းဆိုတော့် Digital Tools တွေရဲ့ စားရိတ် ခြွေတာနိုင်စွမ်းနဲ့၊ အလုပ်ဖြစ်နိုင်စွမ်းက သမားရိုးကျပုံစံထက် ရေရှည်မှာ အများကြီး သာတဲ့ တဲ့ အတွက် ကြောင့်ဖြစ်ပါတယ်။  



အရောင်းအဖွဲ့အားလုံးတက်ညီလက်ညီနဲ့ ဒီအကြပ်အတည်းကာလကို အတူကျော်ဖြတ်နိုင်ကြဖို့ ဆုမွန်ကောင်းတောင်းလိုက်ပါတယ်။

Comments

Post a Comment

Popular posts from this blog

Beyond Survival: Building Resilient Businesses in Myanmar's Conflict Economy

Myanmar has endured decades of challenges, from political instability to ongoing civil wars. The 2021 military coup marked a new era of economic turmoil, exacerbating the already difficult circumstances. Today, small businesses in Myanmar face an unprecedented landscape—skyrocketing logistics costs, inflation on basic essentials, and a lack of security. Yet, despite these challenges, entrepreneurs continue to demonstrate remarkable resilience and adaptability. In this post, I’ll share some personal examples and strategies to help businesses adapt and thrive in such tough times. Top Challenges Facing Small Businesses in Myanmar Unstable Logistics and Supply Chains  Myanmar’s internal conflict has made travel and transport difficult, with parts of the country deemed unsafe. Logistics costs have surged, putting immense strain on business operations. Delayed deliveries and spoiled goods are now common challenges. Skyrocketing Costs of Essentials  Inflation is driving up the cost o...
Post a Comment
Read more

အရောင်းသမားတစ်ယောက်ရဲ့ ပထမ (၃) လ (Probation ကာလကို အိုးနင်း ခွက်နင်း ကျော်ဖြတ်ခြင်း)

  အရောင်းမန်နေဂျာသက် ၁၅ နှစ်မှာ အရောင်းသမား တွေကို အသုတ်လိုက် အသုတ်လိုက် ခနခန ခန့်ဖူးတယ်၊ ပထမ (၃)လ Probation ကာလ ပြီးတဲ့ချိန်တိုင်း ကြုံရလေ့ရှိတာက အကြောင်းအမျိုးမျိုး ကြောင့် ခန့်သလောက် မကျန်တာပါပဲ။ ကျန်တဲ့ တစ်ချို့ထဲက Probation ကာလ မှာ အသင့် မဖြစ်လို့ Probation ကိုလကို ထပ်တိုးလိုက်ရတာ တွေလည်း အများကြီးရှိဖူးတယ်။  ၂၀၀၃ ခုနှစ် ၊ မှာ ကုမ္ပဏီ  အရောင်းသမား ဘဝ ကို စခဲ့တုန်းက စီနီယာကြီးတွေရဲ့ ပထမဆုံးသော သင်ကြားချက်က ၊ ညီလေး ဒါလေးတွေဖတ်ထား ဆိုပြီး လက်ထဲကို Flyer တစ်ထပ်ကြီးရယ်၊ တာဝန်ယူရမည့် ထုတ်ကုန်တွေရဲ့ ၃ နှစ်စာလောက်ရှိတဲ့ အရောင်း ပြေစာဖိုင်ကို ထုတ်ပေးတယ်။ တစ်နေကုန် တစ်နေခန်း  ဖတ်ဆိုတော့သာ အိပ်ငိုက်လိုက် ဖတ်လိုက်နဲ့ ထိုင်ဖတ်တာ၊ ကုန်ပစ္စည်းအကြောင်း၊ စျေးကွက် အကြောင်းကို ရိပ်ဖမ်းသံဖမ်းလောက်လေး ပဲသိလိုက်ရတယ်၊ အရောင်းသမား အဖြစ် ဒုတိယပတ်ရောက်တော့် သိထားတာလေးနဲ့ အရောင်းစထွက်ရတာပဲ ၊ စျေးကွက်အကြောင်း၊ ထုတ်ကုန် အကြောင်းကိုမသိ၊ ပြိုင်ဖက်တွေအကြောင်းလည်းမသိ ၊ ကုမ္ပဏီ လုပ်ထုံး လုပ်နည်းတွေ အကြောင်းလည်း  ဂဃနဏ မသိတော့် လမ်းကြောင်းထွက်တိုင်း အမှားတွေတစ်လေကြီးနဲ့ ပြန်လာတိုင်း စီနီယာတွေ...
Post a Comment
Read more

Compassionate Selling : Understanding Sales Objection and Why Customer Say No

  Even after more than 15 Years of field sales experiences, and helping train thousands of sales professionals my sales closing percentage is between 15-30 %. Sales closing is no joke and sales objections are real. I am pretty sure sales objections themself are a part of the natural sales process.  It will be a wise choice for an organization to equip their sales team with what can be the common sales objection and what is the reason behind it and how to categorize them. Below are 28 common sales objections and it should be enough for several closing. To make it easier to understand and find solutions to overcome them, I separate them into four categories which highlight the reason behind the objection itself.  Need  "I'm not interested." "We don't need that." "We're already using a different solution." "We're not in the market for that right now." "We're not a good fit for your product." "I don't need all o...
Post a Comment
Read more