နောက်တန်းအရောင်းသမား
အမြင်
မြန်မာပီပီ မြန်မာလိုစေ့စေ့ပေါက်ပေါက် တွေးမယ်ဆိုရင် အရောင်းသမားဆိုတာ ပစ္စည်းတစ်ပွေ့တစ်ပိုက် ၊ နေပူထဲ၊ ချွှေးတစ်လုံးလုံးနဲ့သွားလာနေတတ်တာကို တန်းမြင်ကြ လိမ့်မယ်။ တစ်ကယ်လဲ ဒီရာသီဥတုနဲ့ ဒီလို ပဲသွားလာကြတာများတာကို။ အနောက်တိုင်း ရုပ်ရှင်တွေထဲကလောက်တော့် ဘယ်ကဗျာဆန်မလည်း။ နောက်ထပ် အရောင်းသမားတွေအပေါ် မြင်လေ့ရှိတာက ၊ စကားများတယ်၊ လိုရာဆွဲပြောတတ်တယ် ဒါတွေကတော့် လူတိုင်းမြင် ကြလွန်းလို့ ဖြစ်ရိုးဖြစ်စဉ်တစ်ခုအနေနဲ့ တောင်ဖြစ်နေပြီ။
အရောင်းအဖွဲ့
ကုမ္ပဏီ တစ်ခုမှာ အရောင်းအဖွဲ့တွေကို ကိုယ့်ထုတ်ကုန်၊ ကိုယ့်စျေးကွက်နဲ့ ကိုညီအောင် ပုံစံအမျိုးမျိုးဖွဲ့ကြ လေ့ရှိတယ်။ များသောအားဖြင့် ကိုင်ရတဲ့ ကုန်အမှတ်တံဆိပ်နဲ့ခွဲတာ ၊ ကိုင်ရတဲ့စျေးကွက်နဲ့ခွဲတာ စသည်ဖြင့် ခွဲကြတယ်။ ဘယ်အဖွဲ့ကို ဘယ်လိုခွဲခွဲ လုပ်ရတဲ့ အဓိက အလုပ် ပေါ်ခွဲရင်တော့ (၂) မျိုးပဲ ရှီတယ်။ ရှေ့တန်းအရောင်းသမားလို့ ခေါ်တဲ့ အပြင်ထွက်ရောင်းရတဲ့ အဖွဲနဲ့ နောက်တန်း အရောင်းသမားလို့ခေါ်တဲ့ ရုံးတွင်း အရောင်း အဖွဲ့ဆိုပြီး (၂) ဖွဲ့ခွဲ လို့ရတယ်။ မြန်မာပြည်မှာရေရေလည်လည် တွင်ကျယ်တာက ရှေ့တန်း ရောင်းသမား တွေဖြစ်တယ်။ ကုမ္ပဏီတော်တော်များများက ရုံးတွင်း အရောင်း အလုပ်ကို အရမ်းဦးစားပေးထားလေ့မရှိဘူး။ ရုံးတွင်း အရောင်းနဲ့ ကုန်မှာလက်ခံ တာကို လည်း မကွဲဘူး။ တစ်ချို့က ဧည့်ကြို အဖွဲ့ ဒါမှမဟုတ် ငွေစာရင်း အဖွဲ့ကို ကုန်မှာလက်ခံတဲ့ အလုပ် လုပ်ခိုင်းလေ့ရှိတယ်။ တစ်ချို့ကုမ္ပဏီတွေကတော့် အရင်ကတည်းက ဖုန်းနဲ့ ဆိုင်တွေကနေလာတဲ့ အမှာစာ လက်ခံတဲ့ အဖွဲ့ သတ်သတ်ထားကြတယ်။ သူတို့ကို မြန်မာပြည်မှာတော့် Tele Sales လို့ခေါ်ကြတယ်။
အပြောင်းအလဲ
Tele Marketing ဆိုတာကို တော့ ၁၉၅၀ နောင်းပိုင်း Dial America Marketing Inc အဖွဲ့ က ဖုန်းနဲ့ ရောင်းတဲ့ အရောင်း အလုပ်ကို အဖွဲ့ သေခြာဖွဲ့ပြီး ပထမဆုံး တွင်တွင်ကျယ်ကျယ် လုပ်ခဲ့တယ်လို ခန့်မှန်းကြတယ်။ ခုထိလည်းအဲဒီကုမ္ပဏီ ရှိသေးတယ်။ ဖုန်းနဲ့ ရောင်းတဲ့အလုပ်ကိုလည်း လုပ်နေတုံးပဲ။ တစ်နှစ် တစ်နှစ်ကို ဝန်ထမ်း ၅၀၀၀ လောက်နဲ့ ဝင်ငွေပျန်းမျှ သန်း ၁၈၀ လောက်ရှိပါတယ်။ နည်းပညာကုမ္ပဏီတော်တော်များများရဲ့ အရောင်းတွေကို သူတို့အဖွဲ့က ကိုင်တွယ်နေတုံးပဲ။Inside Sales (နောက်တန်း အရောင်း) ဆိုတဲ့အသုံးအနှုန်းကိုတော့် အနောက်တိုင်းမှာ ၁၉၈၀ နောင်းပိုင်း တွင်တွင်ကျယ်ကျယ် သုံးနှုန်းလာကြတယ်။ အဲနောက်ပိုင်းကစပြီးတော့ ဒီအရောင်:အဖွဲ့တွေကို သေချာ သင်တန်းပေး ၊ လုပ်ရမည့်အလုပ်ကို သေခြာခွဲပေးပြီး အရောင်းအဖွဲ့တစ်ခုအနေနဲ့ သတ်သတ်မှတ်မှတ် ခွဲထုတ် လာကြတယ်။ မြန်မာပြည်မှာတော့ တော်တော်များများ ကခုထိ မကွဲကြသေးဘူး။
(Inside Sales Team) နောက်တန်းအရောင်း အဖွဲ့ အလုပ်တွေကဘာတွေလည်း
ရောင်းပါတယ်။ ရှေ့တန်း အရောင်းအဖွဲ့လုပ်တာ အကုန်လုပ်ပါတယ်။ ရှေ့တန်း အရောင်းအဖွဲ့က တစ်ဆိုင်ဝင်တစ်ဆိုင်ထွက် သိသိမသိသိ သွားတယ်၊ ဝယ်သူနဲ့မျက်နှာချင်းဆိုင်စကားပြေတယ်၊ ပစ္စည်းချပေးတယ်၊ ဘောက်ချာဖွင့်တယ်၊ ဝယ်သူရဲ့ complaint ကို ဖြေရှင်းတယ်၊ နောက်တန်း အရောင်း အဖွဲ့က ဖုန်းတစ်လုံးပြီးတစ်လုံး သိသိမသိသိခေါ်တယ်၊ ဝယ်သူနဲ့ဖုန်း ဒါမှမဟုတ် အင်တာနက်ကနေစကားပြောတယ်၊ ပစ္စည်းကိုကားဂိတ်ကပို့တယ်၊ ဘောက်ချာဖွင့်တယ်၊ ဝယ်သူရဲ့ complaint ကို ဖြေရှင်းတယ်။ ရှေ့တန်းအရောင်းသမားက ဝယ်သူအသစ် ကို ပွဲတွေ လိုနေရာမှာ ရှာတယ်၊ နောက်တန်းအရောင်းသမားက လူမူကွန်ရက်တွေပေါ်ရှာတယ်။ နောက်တန်းအရောင်းဆိုတာ မြန်မာပြည်မှာ ခောတ်မစားသေးပါဘူးလို့တော့ ပြောလို့မရဘူး။ ဥပမာတစ်ခုပြောမယ်ဆိုရင် ခုခောတ်စားလာတဲ့ Online Shop တွေကိုကြည့်ပါ ၊ ဝယ်တာကအစ ပစ္စည်းပို့တာအဆုံး ဝယ်သူနဲ့ရောင်းသူ တစ်ဖက်နဲ့တစ်ဖက် ဖြူလားမဲလားတောင်မသိလိုက်ကြဘူး။ ခောတ်ရေစီးကြောင်းတစ်ခုအနေနဲ့ တောင်ဖြစ်နေ ပြီ။
နောက်တန်း အရောင်းအဖွဲ့အကျိုး၊ အဖြစ်
အကျိုး
ထိပ်ဆုံးကစားရိတ်သက်သာတာ ၊ သွားရောင်းရတာနဲ့ ထိုင်ပြီးဖုန်းနဲ့ရောင်းရတာ စားရိတ်ချင်းယှဉ်လိုက်ရင် အကွာကြီးကွာတယ်။ Cost Per Contact လို့ခေါ်တဲ့ ထိတွေ့မူစားရိတ် ကျမယ်၊ စားရိတ်ကျရင် ပစ္စည်းကောင်းကို စျေးသက်သက်သာသာနဲ့ ဝယ်သူကို ပေးနိုင်မယ်။နောက် တစ်ချက်က ချဲ့တွင်နိုင်စွမ်း၊ နောက်တန်းအရောင်းသမားတစ်ဦးက တစ်ရက်ကို ဝယ်သူ အယောက် ၃၀ နဲ့ အလုပ်လုပ်နိုင်တယ်။ ရှေ့တန်းမှာကျ ကားပိတ်တာနဲ့ တင် အယောက် ၂၀ တွေ့ဖို့ အနိုင်နိုင်။
အဖြစ်
တိုင်ရိုက်ထိတွေ့မူနည်းတယ်။ ကြိုက်တဲ့ သူကကြိုက်ပေမည့် တစ်ချို့တွေက မျက်နှာချင်းဆိုင်စကားပြောမှ အလုပ်လို့ယူဆတယ်။ နောက်တစ်ချက် ကနည်းပညာအကူ လိုအပ်တယ်။ နောက်တန်းအရောင်းသမားတွေက ဝယ်သူအများကြီးနဲ့ ဆက်ဆံရတာ ဖြစ်ပြီး တိုက်ရိုက်ထိတွေ့မူအားနည်းတဲ့အတွက် အားနည်းချက်တွေဖာနိုင်အောင် CRM နည်းပညာတွေ လိုအပ်လာတယ်။ တစ်ချို့ထုတ်ကုန်တွေကျတော့ ဝယ်သူကို တိုက်ရိုက်ထိတွေ့ပြီး ရှင်းပြနိုင်မှ အလုပ်ဖြစ်တာ ဖြစ်တဲ့အတွက် နောက်တန်းမှာပဲထိုင်နေလို့တော့အဆင်မပြေနိုင်ပါဘူး။
ကုမ္ပဏီတွေ ခောတ်ရေစီးကြောင်းအလိုက် ဘာတွေပြင်ဆင်သင့်လည်း
၂၀၁၇ ခုနှစ် မှာ အမေရိကန်နိုင်ငံရဲ့ အရောင်းသမား ၅.၇ သန်းကျော်ရှိတဲ့ထဲ က ၄၃% က နောက်တန်းအရောင်းသမားတွေပါ။ အဲဒီဂဏန်းကလည်း တစ်နှစ်ကို ၁% နှုန်းလောက်နဲ့တိုးတက်နေပါတယ်။ တစ်ဖက်က ကြည့်ပြန်ရင်လည်း နောက်တန်းအရောင်းသမားတွေရဲ့ ပျန်းမျ အရောင်း က လည်း ၂၀၁၇ အရောင်းအားလုံးရဲ့ ၃၀% လောက်ကို ရှိပြီး နည်းပညာတိုးတက်လာတာနဲ့ အမျှ တစ်နှစ်ကို ၅% လောက်တိုးတက်နေပါတယ် ။ မြန်မာပြည်အနေနဲ့ နည်းပညာတိုးတက်လာတဲ့ ခောတ်ရေစီးကြောင်းအလိုက် နောက်တန်းအရောင်းအဖွဲ့တွေကိုကုန်မှာ လက်ခံတာမျိုးလောက်အတွက်ပဲထားတာ မဟုတ်ဘဲ တင်းပြည့် ၊ ကျပ်ပြည့် အရောင်း အဖွဲ့ဖြစ်အောင် ဖွဲ့စည်းသင့်ပါတယ်။ ပြောင်းလဲဖွဲ့စည်းတဲ့အခါလိုအပ်တာတွေက---
(၁) ခံယူချက်အ
ပြင်မှာမတွေ့ရရင် အရောင်းဖြစ်မှာ မဟုတ်ဘူးဆိုတဲ့ စိတ်ဓတ်တွေ ကို သူဌေးကအစ မန်နေဂျာနဲ့ဝန်ထမ်းတွေအဆုံး အရင်ပြင်ရပါမယ်
(၂) ဝန်ထမ်း
တွေ့ကရာလူကိုနောက်တန်း အရောင်း အလုပ်မခိုင်းဘဲ သတ်သတ်မှတ်မှတ်ထားသင့်ပါတယ်
(၃) ခံစားခွင့်
ရှေ့တန်းက ရောင်းရောင်း ၊ နောက်တန်းက ရောင်းရောင်း ကုမ္ပဏီအတွက် အရောင်းဖြစ်တာပါဘဲ၊ နေပူထဲ မသွားရလို့ ခံစားခွင့်လျှော့တယ်ဆိုတာ မဖြစ်သင့်ပါဘူး၊ ဒါကတမင် ညစ်တာပါ
(၄) သင်တန်း
ဖုန်းပြောတတ်တိုင်း နောက်တန်းအရောင်းသမားမဖြစ်ပါဘူး၊ မျက်နှာချင်းဆိုင် ရှင်းပြရတာထက် ဖုန်းတစ်လုံးနဲ့ရှင်းပြရတာပိုခက်ပါတယ်၊ ဝယ်သူရဲ့ လက်ခံနိုင်စွမ်းအလိုက် အချက်၊အလက်နဲ့ သေခြာရှင်းပြတတ်အောင်၊ ဝယ်သူကို မကြည့်မမြင်ရဘဲ လိုအပ်ချက်တွေမေးတတ်အောင် သင်ပေးထားရပါမယ်
(၅) အကျိုး၊ အဖြစ်
ကိုယ့်ထုတ်ကုန် ၊ စျေးကွက်နဲ့ နောက်တန်းအရောင်းနဲ့ အဆင်ပြေမပြေ ဘယ်သူမှ နံကြားထောက်မသိပါဘူး ၊ နိုင်ငံတစ်ကာက လုပ်တိုင်းလည်း လုပ်စရာမလိုပါဘူး ၊ အကျိုး၊ အဖြစ်လေးတော့် လေ့လာစမ်းသပ်ကြည့်သင့်ပါတယ်
(6) တာဝန်
လူပဲခန့်ထားပြီး ငုတ်တုတ်ထိုင်ခိုင်းထားရင် ဘာမှ ဖြစ်လာမှာ မဟုတ်ပါဘူး၊ ရှေ့တန်းအရောင်းသမားတွေကို ပေးတဲ့တာဝန် အတိုင်း အရောင်းရည်မှန်းချက်တွေ ၊ ဝင်ငွေရည်မှန်းချက်တွေ၊ နေ့စဉ်လုပ်ရမည့် အလုပ်တွေကို ထားပေးသင့်ပါတယ်
Comments
Post a Comment